دكتور علي أبو وضاح يكتب : (النصيحة)
ْ
الفنانة زينب الحويرص عندها اغنية بتقول في مطلعها:
قول النصيحه كلمني
مالك بالهجر مألمني
قول يا حبيب
قول لي مين جاب ليك عتاب
بدور يفرق بين قراب
قول يا حبيب……
قوووووم اييييه…….
البارح بالليل فتحت الفيسبوك على الكمبيوتر
بالله لقيت الماسنجر فيه قريب الالفين رسالة…….
للاسف انا اصلا لا اتعامل مع ماسنجر الفيسبوك ولا برامج الايمو والبوتيم وحاذف تطبيق الماسنجر من التلفون من قبل ما اقاطع الفيسبوك ، وزادت عليه المقاطعة…..
وانا لا اتعامل مع الماسنجر والرسائل في الخاص لانه في ناس بدخلوا الخاص ويقلوا ادبهم وعشان ما يستفيدوا من الحتة دي انا لا استخدم الماسنجر…
الحاجة التانية الماسنجر دا فيه نصب واحتيال وجر هواء ما له حد….
ثالثا ودي اهم نقطة او كما يقولون بيت القصيد…..
في ناس بحكم موقعنا انا وكثيييير من الاخوان في الخليج مفتكرين انه نحن مغتربين ويراسلونا على الماسنجر من باب العشم في المساعدة مع الظروف المتنيلة دي…..
لكن للاسف يا اخواننا نحن لا مغتربين ولا شي ، نحن نازحيييين….
بس في ناس من باب المكابرة مابيقولوها….
نحن ناس تخطينا الستين ، ومافي شركة والا حكومة في الخليج بتشغل زول فوق الستين فكلنا ولا اقول معظمنا قاعدين بدون شغل رسمي…..
ولو انا كذاب خلي يجي واحد منهم يعلق على البوست دا ويقول انا شغال…..
انا شخصيا لي سنتين قاعد بدون عمل ، ولولا ظروف الحرب دي كان مفروض اكون لي سنتين في السودان…..
طبعا في ناس هسع يحوص في بطنهم سؤال استنكاري يطلع وينزل…..
قاعد تاكل وتشرب وتدفع ايجار من وين طيب؟
وعشان اريح النوع دا من الناس….
قاعد اشتغل أونلاين مع عدة مواقع بتاعة شغل اونلاين ترجمة وخطط تسويق وكتابة مقالات وعملات مشفرة ، المهم بطلع منها مصاريفي اليومية….
وقع لك؟
المهم يا جماعة….
البوست دا الغرض منه قول النصيحة و تجلية الحقيقة ورفعا للعتب ، وليس المقصود منه شخص بعينه…..
تقبلوا مودتي……
📌ابووضاح📌
