الخرطوم : ون كليك نيوز
يا اخواتنا الغاليات بدل الزهج من الغسيل والجوطة في الليلة الدور على منو . تعالوا نوريكم إنو غسيل العدة ده فيهو فوائد جميلة:
نادي رياضي في البيت :
دعكك للحلة حقت العصيدة والملاح ده أقوى من تمارين رفع الأثقال، دا بنفعك بقوي عضلات اليدين
اذا بتغسلي العدة بي موية حارة فالبخار الطالع من الموية الحارة ده يعتبر أحلى جلسة لتنظيف بشرة للوجة
بالعربي كدا ساونا مجانية
لو لاحظتي إنو الأفكار الرهيبة والردود القوية والخطط المستقبلية ما بتجي إلا وأنتِ ماسكة الليفة وشغالة تغسلي
صوت الموية ورغوة الصابون بيشيلوا الطاقة السلبية والتوتر وكل الضغوطات العندك .
أهم جزء إنك حتشيلي حسنات كل الناس دي لأنو انتي السبب في أنهم ياكلوا في عدة نضيفة .
اها العدة الليلة على منو ؟
