شندي : ون كليك نيوز
شهد حوادث مستشفى التعليمي شندي مساء السبت ورود عشرات من حالات صعوبة في التنفس فتشكلت ملحمة إنسانية ندع إحدى الطبيبات تحكيها بطريقتها دون تدخل تحريري :
بي الليل شديد تقريبا بيتم حصاد الفول و القمح و الجو طبعا بتلوث شديييد و الحاجة دي بتحصل سنوياً بس السنة دي غريبة خالص .
الناس العندهم اذمة و حساسية طوالي تعبوا في الجو دا عدد الحالات أمس في الحوادث تقريبا كدا اتجاوزت الخمسين حالة والليل كله الاصطاف ما نام ولا دقيقة .
من كثرة الناس الدايرة جُرعات بُخار لمن الأجهز اتملت كلها و جرينا جوة التعليمي جبنا كل اجهزة البخار و اسطوانات الأوكسجين يطاقشوا اسطوانة ورا اسطوانة .
ناس كبار و أطفال و نساء الحالة كانت صعبة شديد لي درجة شباب التعليمي وصلوا لحقوا الناس و ساعدونا ومن أقسام الباطنية جات مساعادات من الاصطاف و ساعدوا ناس الأذمة و بعد دا كله الكوبسات لكهربائية اتملت كلها إطررنا انه نجري نشحد و صلات كهربائية عشان نقدر نكفي الحالات
و للأسف حصلت وفيات كمان .
أشك انه حالات الأذمة اتجاوزت ال 200 حالة في ضواحي شندى و المتمة لو حصروهم .
أمس بالجد كانت كارثة صحية في مستشفى حوادث التعليمي بس بالجد الاصطاف ما وقف ولا قعد لي حدي الصباح .
أنا شخصياً رجولي مؤلمني جدا من جرى الحوادث و التعليمي جوة و لي الأطفال فوق الحمد لله بس الوضع كان صعب صعب بس بالجد لحقنا كل الحالات الجاتنا دي و اشتغلنا بي رجلينا و يدينا لدرجة كل زول يمشي يقول لي التاني ارتاح شوية أنا بشتغل وانت تعال بعد ترتاح لانه الاصطاف شوية و ح يقع هو كمان من الجري الكان أمس .
الناس تكون حذرة شديد الجو كعب والله بصورة مُخيفة خاصة بي الليل الحالات كتيرة شديد و اسي الصباح في حالات بس بسيطة ما ذي الليل احذروا من الجو دا و خاصة ناس الأزمة و الحساسية ما تلعبوا بي نفسكم و تطلعوا خليكم جوة .
( شهد احمد ) .
