فضائح تخزين مواد الإغاثة .. الوصية بالمهلة

الخرطوم  : ون كليك نيوز

الوصية بالمهلة :

كلكم متابعين البقت على مفوضية العون الإنساني في الولاية الشمالية.. دحين قوموا على المخازن فتشوهن ..

وشوفوا لو فيهن باقي إغاثات أمرقوهن للمواطنين وافدين أو مقيمين ما فرقت كتير..

المهم مافي أي داعي نكدس الدقيق و اللبن و العدس ..الخ في المخازن و الناس محتاجة ليها ..

طبعا عندنا تاريخ وسخ جدا مع مواد الإغاثة وفضائح تحير .. لم تكن البداية بالوجبة اليمنية أيام حكومة الصادق .. ونرجو أن تكون حادثة ال 4800 جوال دقيق في الشمالية آخر فضائحنا..

انا ما عارف المفوضين ديل قصتهم شنو مع تخزين الإغاثات بدسوهن ينتظروا بيهن شنو؟

لا يوزعوهن للمحتاجين ولا يسرقوهن و يبيعوهن ينتفعوا بقروشن ..

يضيعوا مواد الإغاثة لحدي ما ريحتن تمرق يسوونا في فضائح و دفع تكلفة إبادة .

قوموا على المخازن فتشوهن و انفضوهن ..

والمابتعرف ما تدوها تغرف ..

(بالبلدي الفصيح  – بلة تاج السر ) .