الخرطوم : ون كليك نيوز
الإمتحانات كريهة
نطمئنكم..
لقد وصلنا إلى القاع
وليس ثمة هوة بعد القاع .. يعني تاني ممكن يكون في مصيبة شنو أكبر من بلاوينا دي .. أبناؤنا و بناتنا (أسياد المستقبل) بقوا شايفين إنو الغش في الامتحان دا شيء طبيعي و حق مكتسب ..و المراقب الذي يقوم بواجبه ويمنع حدوث حالات الغش في نظر الشباب و الصبايا ديل اصبح مجرم و متعدي على حقوقهم ..
ممكن يشتموه او يضربوه عادي ..و ممكن يشتكوهو للإدارة عشان تاني ما يراقب و يتسبب في إفساد خطط طلابانا و يمنعهم من الحصول على درجات تفتح لهم آفاق المستقبل ..
لكن الما عادي إنه طلابنا لشدة ما كونهم واثقين من إنهم أصحاب حق بيرفعوا شكواهم لرب العالمين ..و يتحسبنوا على المراقبات و المراقبين المنعوهم يطلعوا البخرات او ينقلوا من بعض ..
حقو بعد كدة نفكر جادين في طريقة انتقال عبر مراحل التعليم غير الامتحانات
حاجة كدة زي الترقي الوظيفي وفق الكادر المفتوح
ولو كان لا بد من إمتحانات خلوها مفتوحة بدون مراقبين
ولا_حول_ولاقوة_إلا_بالله .
(بالبلدي الفصيح – دكتور بلة تاج السر) .
