تفاصيل اشتباكات في قلب أم درمان

أم درمان  : oneclicknews.net

روى شاهد عيان لموقع   oneclicknews.net  ما حدث مساء الاثنين في مستشفى النو بأم درمان وجاءت محصلة إفادته كالتالي  :

الحصل اشتباكات فى الحارة الثامنة الثورة بالقرب من مستشفى النو الحادثة حصلت قريب للمغرب وصل افراد من المكافحة جابو واحد معاهو ممنوعات واتقبض فى كمين ولمن اتصاب اول إجراء قانونى بتعمل تمشى تجيب أورنيك ٨ .

جو د جماعة ظاهر عليهم زملاء المقبوض عليه عايزين يطلعوا الزول رجالة وحمرة عين وناس المكافحة ماقبلوا . في اللحظة حصلت اشتباكات ماتمت ليها ربع ساعة بالضبط أدخلت الرعب فى سكان الحارة الثامنة وكذلك الممرضين والدكاترة وعلى اثر تبادل الرصاص داخل الحر انتقل الى رحمة الله واحد من منسوبى المكافحة اسمو محمد تية

ويوجد ٣ أفراد من الشرطة حاليا راقدين في المستشفى وكل الأجهزة الأمنية فى اقل من نص ساعة كانت حضور جهاز امن شرطة وشرطة عسكرية و الاستخبارات كل الاجهزة الأمنية كانت حضور لانو الحصل دا اختراق واضح للقانون .

الشغل بعد كدا بين أجهزة نظامية مع بعض وحاليا كلو فى يد الأمن وبس ده الحصل بالظبط ..