الخرطوم : ون كليك نيوز
بالبلدي _الفصيح (بالحساب)
هو دا وزير معانا ؟
سيدي اللعيسر :
هو إنت موش مفروض إنك وزير الوزارة المسؤولة عن صياغة و الترويج لسردية الدولة التي يمثلها الجيش ؟؟
يعني تدافع عن الجيش و تدعم خطه و تعبر عنه .
يعني نائح ..
( إن كان الدفاع عن الجيش نواح)….. (١)
سيدي اللعيسر :
موش إنت عينك في منصبك دا قائد الجيش و قاعد تصرف من الدولة مخصصات شاغل هذا المنصب كاملة؟ يعني مستأجر …….(٢)
بجمع (١)&(٢)
يبقى إنت ذاتك (نائح مستأجر)
فشغل أب سنينة البيضحك على أب سنينتين دا ما بينفع
بس إنت بتنوح وإنت في كامل أناقتك و لابس البدلة الكحلية .
ونحن بنتكتح بالرماد ونشرط هدومنا عشان ننوح بالجد .
ننوح عشان عندنا دوافع أعمق من الأجرة ولأننا موجوعين فعلا .
موجوعين و إنت واحد من مظاهر وجعنا و أسباب نواحنا .
كسرة :
منتظرين ملاقاتك الموعودة بعد تترك المنصب التنفيذي المحترم ..
