الخرطوم : ون كليك نيوز
الكاتب الشاب الساخر سامي دفع الله يكتب هذه المرة تحت عنوان ( موظف خدمة مدنية ) :
عشان تبقي من موظفيين الخدمة المدنية
لازم تكون *مابتعرف* تستخدم الكمبيوتر وبتطبع غلط
لازم بتعرف تقول الشبكة طاشه دا اساس الشغل
وكمان تكون حافظ جملة ورقك دا ناقص وعمرو ماحيكمل لانو الكمال لله وحده
وكمان بتكون بتفطر بدري يعني تدخل الشغل الساعه ٨ الساعه ٩ تطلع تفطر والساعة دي الشبكة طاشه
١١ تجي راجع ومعاك كوبايه شاي ١١:٣٠ الصلاة ١٢ تبدا تشتغل الشغل البجي بي تحت الساعة ٢ خلاص الترحيل برا منتظرني تعالوا بكرة بدرى
اما اذا بقت الشغالة *مرة* اول شئ اقرا المعوذتين واتوكل وادعي انو هرموناتها ماتكون فايرة
وكمان النسوان ديل لازم تعزرهم عندهم برنامج الغداء والحلة حقت البيت لانو عندها واجبات زوجية لازم تعملها فحتعمل الغداء في الشغل وتشيلوا معاها البيت لسه راجلها حينتظرها لمن ترجع البيت وتعملو
وعادي ممكن يكون معاها الختم وهي ماخده اجازة وضوع ورضاعة يعني انت تنتظر الشافع يتفطم وتجي عشان يختموا ليك
واذا المدير عندو قريبو اتوفي الشغاليين في الصالة ديل كلهم ماشيين العزاء اصلا معروفين ناس واجب .
