الخرطوم : ون كليك نيوز
لو بي تذكروا قبل حوالي أربعة شهور من الآن أصدر فخامة رئيس الوزراء كميل إدريس قرارا تم بموجبه تسمية الجنرال عابدين الطاهر مسعولا عن مكافحة الفساد في البلاد .
ومرت 120 يوم ( كل يوم ينطح يوم) . دحين فيكم زول سمع بقضية فساد واحدة من القضايا بتاعت الفساد الإنتو شايفنها بعيونكم قبضوا الناس المسؤولين منها . ؟ خليك من قبضوهم هل جابوا سيرة للموضوع ده ساكت كده ؟
على ما اعتقد والله اعلم في سببين للحكاية دي :
السبب الأول : إنو ناس مكافحة الفساد غرقانين لي إضنينم في البحث عن ملفات الفساد ومن كترتا ما قادرين يطلعوا بي ملف واحد خلال الأربعة شهور دي !!
السبب التاني : إنو ما في أي فساد في البلد دي والحكاية كلها اشاعات ساكت وغالبا الشعب السوداني هو الفاسد والحاسد .
وفي الحالتين الرماد كال حماد !!
وبالمناسبة دي كدي ورونا حماد ده منو ؟ الكالو الرماد ده !!
بس أوعكم تقول لي حماد ده هو السودان زاتو !!
