الخرطوم : ون كليك نيوز
سامي دفع الله يكتب : (الصفوف طقوس الصبر السودانيه ) .
في الدول المسؤولة لمن تمشي لاي معاملة حكومية مابكون في صفوف او تاخير ودي حاجه عجيبه بالنسبه لينا كسوادنيين لانو اي حاجة تخلص لينا في لحظتها دي بنخاف منها وبنشك فيها وفي جودتها وبتوترنا شديد وبتحس انو حيكون فيها غلط
اهم شي عندنا المرمطة
وماعارف دا مدح للصبر وطولة البال ولا ذم لقلة الحيلة وعدم الإمكانية
الواحد بقى لمن يخش مكان فاضي زي بنك ولا فرن قبل ما يصلو بقول دا ما شغال
نحن اتربينا علي الصفوووف
صف العيش وصف الجاز وصف الاوراق الثبوتيه وصف الغاز
اي حاجه مافيها صف بنخاف منها
ولازم يكون في يافضة مكتوب فيها (ساعات الانتظار املاها بالاستغفار)
بس نحن اتطورنا شديد بقت ايام الانتظار ماساعات
ياخ نحن في العرس بنقيف صف عشان نبارك للعريس
حسي بعد الحرب دي تنتهي بتختفي الصفوف و لا الانتظار هواية سودانية أصيلة لا تموت.
