الخرطوم : ون كليك نيوز
سامي دفع الله يكتب : ( زواج .. مشروع سندس العاطفي )
مغترب خاطب واحدة من البلد كل سنتين بنزل البلد اجازة وبمشوا بشتروا حاجه مرة بوتجاز سنتين تاني تلاجة سنتين تاني شاشة سنتين تاني غسالة سنتين تاني طقم جلوس سنتين تاني غرفه النوم الشيله اخدت ٤ سنه لانو جات علي مرتيين باقي الاجهزة الكهربائية اخدت سنتين قروش الصالة والمناسبة سنتين واصلا في سنتين خطوبة وتاني اخدوا سنة تاخير لانو ابوها اتوفي حزنانيين عليهو وسنة تاني تاخير لانو امها كانت بتتعالج وسنة تاني تاخير لانو اخواتها عملوا حادث وراقديين منتظرنهم يتعالجوا وسنة تاني تاخير لانو الكفيل ابي يديهو اجازة واخيرا حددوا العرس السنة الجاية
اذا كان عمر العريس عند التعارف ٣٥ سنة وعمر العروس ٢٥ سنة احسب كم سيكون عمر العريس عند العقد اذا علمت انو ام العريس ماموافقة وصحبة العروس ماموافقة والعريس مشترط العرس مايتم الا بحضور الكفييل شخصيا للمناسبة في *سركمتو*.
*قاطعة عامة*
مفروض العروس دي ماتغسل عدة عشان حنتها دي ماتمرق لانو منتظراها كترت بكياات لانو العمر ماااشي
*ناشفة شديد*
دا عرس ولا مشروع سندس الزراعي
*ملحوظة*
البحسب عمر العريس صاح عندو هدية
حنعرس ليهو اختها الاكبر منها بي ٥ سنين.
