الخرطوم : ون كليك نيوز
سامي دفع الله يكتب : ( الجميلة ومستحيلة )
طب الخرطوم الخاص عمل ٢٥ مليار جنيه في السنة
ااي دي القراية في السنة الواااحدة انت قايلها السته سنه لا لا
السته سنة بي ١٥٠ مليار ودا في حالة ماكان في اي زيادات في الرسوم السنيين الجاية عادي ممكن يقولوا ليك الدولار الجمركي زاد كلو متوقع في البلد دي ومن غير المصارييف المعيشية ومتطلبات دراسة المجال الطبي.
اقروا الفاتحة بس
ودا حالتو ٦ سنة خالي سقووط وربييت دا ون قووو
قدامك انت او انتي حلول يامرررطب وتدفع وتحتسب
ياتنزل اول سنه وتاني توقف تلقط حبه حبه يازول حبة حبة شنو حسستني بتلقط في ملاليم تلملم القروش شوالات شولات وتجي تنزل السنه التانيه وهكذا و تستمر كدا الستة سنة ياتجلي الفكرة من الاول لانو في ناس حتقول انا اذا عندي المبلغ دا قاري لشنو مع العلم انك اذا اتخرجت واتخصصت بعد عمرااا طويييييييييييل جدا حتحتاج لي دكتور عشان يتابع حالتك لانو حتكون ياعجزت ومرضت ياجنيت من القراية.
اتخيل دكتور خريج بقيس الضغط والسكري لي دكتور خريج دفعتو
الميزة الوحيدة في المرحلة دي انك قبل اسمك حتسمع كلمة *الضكتوور*
لانك من مرحلة التخرج الي مرحلة تنتظر الامتياز وتتوزع لي مرحلة طبيب عمومي لي نائب اخصائي لي اخصائي دي كلها مراحل من عمرك جارية.
طبعا حتاخد تقريبا ملاليم شهريا من الوزارة تصرفهم علي المواصلات وتتم الباقي من جيبك وماتنسي حتاخد *دقة* يومي من اي زول زعلان ومضايق داخل المستشفي او المستوصف الشغال فيهو.
*ناشفة شديد*
في ناس قالوا الطب الخاص دا للأجانب الجايين من برا مالي السودانيين معقولة دا كلام زول عاقل في عاقل بجي من برا يقرا في بلدنا دي بي حالتها دي هو ناس البلد وجزء كبير منها برا دايرين الأجانب العايشيين برا يجوا يقروا عندنا هنا.
دا طبعا من غير قفلت واعتصموا واضربوا واتشاكلوا والقصص دي
دا اسمو اقرا *كانتقدر*
*قاطعه عامة*
اذا بخرجوني من الجامعة استشاري طوالي ممكن غير كدا صعبة عشان كدا الفنانة ايلاف عبدالعزيز عرفتها و قالت العلاج بالحب.
