مصطفى سيد أحمد : حكايات في مناسبات

الخرطوم  : ون كليك نيوز

يقول راوي الحكاية  ( والعهدة عليه ) بالطبع إن الراحل المقيم مصطفى سيد أحمد ترنم باغنيات خالدة في مناسبات متفرقة ذكر منها  :

أنه  لما مشي خطبها قال :

نحن مشينا الخطوه الأولى

وانتي معاي مشوارنا بيقصر…

ولما خلاص جاء العرس غني ليها..

أوفيت وما قصرت في حقك ولا كان منية غيرك بصادفا

وقدر هواكِ يجيبني ليك جمع قلوبنا وولفا

ولما كانت في مرحلة قبيل الإنجاب  غني ليها :

الا باكر يا حليوه لما أولادنا السمر يبقو افراحنا البنمسح بيها أحزان الزمن  .

ولما سافر بعيد منها واغترب غني ليها:

ياما شايلك فينى حايم

لا الليالي المخملية

لا العمارات السوامق

لا الاسامي الأجنبية

تمحى من عيني ملامحك

وقال لما نوى الجية قال :

اصلي لامن ادور اجيك

بجيك..

لا بتعجزني المسافه

ولا بقيف بيناتنا عارض..

لا الظروف تمسك بإيدي

ولا من الأيام مخافة  .