الخرطوم : ون كليك نيوز
كتب الدكتور بلة تاج السر في عموده بالبلدي_الفصيح ما يلي :
الغناي قال :
راعي حرماني
و اخش عامل السن
يا جماعة اصلا السن ليها أحكامها و الكبر ما بتصارع و السنين ما بتتغالط ..
ومن يعمره الله ينكسه في الخلق لكي لا يعلم من بعد علم شيئا .
و معروف أن من أعراض الشيخوخة و مقدمات الزهايمر نسيان الأسماء و اللخبطة بين الأسماء .
وكلكم عندكم كبار سن في البيوت الواحد بلخبط بين أسماء أولاده و مرات يناديهم بأسماء الأموات
وكلكم مع الايام بتكونوا قادرين حسب الوقت و الموضوع تعرفوا حبوبة او جدو قاصدين ينادوا منو فيكم
عادي جدك يقول يا منال و هو يكون قاصد عثمان ناهيك عن الأسماء المتشابهة و المركبة .
اها الزول وكت يصل مرحلة زي دي أولاده ممكن يرفعوا دعوى قضائية بطلب الحجر عليه عشان ما يقوم يوقع ليهو على ورقة تودي الأسرة في داهية
المهم :
نحن الفخار و التقدير و الإحترام عفيناهن لعبد الفتاح السيسي حلال عليهو و معاهن حلايب و ابو رماد ..
لكن قيادة قواتنا المسلحة و رئاسة مجلس سيادتنا ديل ما فيهن لعب.
امسكوا الراجل دا ما يقوم يبيعنا .
