حكاية لا تحدث إلا في السودان شهامة صامتة

الخرطوم  : ون كليك نيوز

نترك صاحبة القصة تحكيها كما هي دون تدخل تحريري  :

الليلة الصباح كنت راكبة عربية ناقصة نفر والسواق واقف بينا نص ساعة عشان يطلع كامل .

بعد شوية جا راجل كبير رجله مكسورة وماشي بعكاز

ركب واتحركنا طوالي ..

لمن السواق قال القروش .. الراجل الكبير قال “ماعندي يا أولادي ممكن زول يدفع لي”

الغربية مافي زول رد ليهو ولا حتى السواق الناس لمت القروش والسواق بيعدها لقى 13 نفر زيادة.

ضحك وقال ممكن القى حق زول او زولين زيادة لكن 13 نفر مرة وحدة

طلع إنو كل واحد في العربية تقريباً دفع للراجل الكبير من غير ما يتكلم ويقول انا ح ادفع ليك ياحاج .

والأحلى من كدا لمن السواق عرف انو الناس كلها دفعت ليهو قال “وانا يعني ما القى أجر زيكم ”

طلع القروش الزيادة وأداها للراجل الكبير  .

يا سلام على السودانيين  .

شهامة في صمت .