الخرطوم : ون كليك نيوز
الكبكبي بيُصنف كغذاء وظيفي بيعالج الأمعاء، وبيحمي القلب، وبيدي الدماغ المواد الخام اللي بيحتاجها للتركيز.
والنشا الموجود في الكبكبي بياخد وقت طويل جداً عشان يتهضم بفعل إنزيمات المعدة، وده بيخليه (Low Glycemic Index Food)، يعني ما بيرفع سكر الدم فجأة، وبيدي إحساس بالشبع بيمتد لساعات طويلة.
1. “ميزان” السكر وحساسية الإنسولين:
المؤشر الجلايسيمي المنخفض للكبكبي بيخليه وجبة استراتيجية لمرضى السكري (Type 2 Diabetes). الألياف بتبطئ امتصاص الجلوكوز في الأمعاء، مما يمنع الارتفاع الحاد للسكر بعد الوجبات.
2. صحة القولون والـ (Butyrate):
الألياف غير الذائبة في الكبكبي بتنزل للقولون عشان تتغذى عليها البكتيريا النافعة (Microbiome)، والعملية دي بتنتج أحماض دهنية قصيرة السلسلة وده مركب سحري بيقلل التهابات القولون وبيحمي من الخلايا السرطانية.
3. غذاء الدماغ والمزاج (Choline & Tryptophan):
الكبكبي بيحتوي على مادة الكولين الضرورية لنقل الإشارات العصبية وتقوية الذاكرة، بالإضافة للحمض الأميني (Tryptophan) اللي الجسم بيحوله لـ (Serotonin) أو هرمون السعادة، وده بيحسن المزاج وجودة النوم.
4. حماية القلب وصيانة الشرايين:
غني جداً بالمغنيسيوم والبوتاسيوم، التركيبة دي بتعمل على إرخاء الأوعية الدموية (Vasodilation) وخفض ضغط الدم، والألياف بترتبط بالكوليسترول الضار وتمنع امتصاصه.
الغازات والقولون العصبي (IBS):
الكبكبي بيحتوي على سكريات معقدة زي (Raffinose).
الأمعاء الدقيقة ما بتقدر تهضمها، فبتتخمر في القولون وتعمل غازات شديدة.
الحل شنو طيب ؟
النقع الطويل (12 ساعة) مع رشة كربونات بسيطة، وتغيير ماءالنقع قبل السلق بيكسر السكريات دي تماماً.
النقرس وحصوات الكلى :
الكبكبي بيحتوي على نسبة متوسطة من الـ (Purines)، فمرضى النقرس الحاد لازم يتناولوه باعتدال.
كمان بيحتوي على الأوكسالات (Oxalates)، فمريض حصوات الكلى الأوكسالاتية لازم يشرب معاه كمية كبيرة من الماء وما يبالغ في أكله.
التداخل مع الأدوية:
بسبب محتواه العالي من الألياف، ممكن يقلل من امتصاص بعض الأدوية لو اتاخدت معاه في نفس الوقت، الأفضل دائماً ترك مسافة ساعتين بين الوجبات الثقيلة والأدوية.
