الخرطوم : ون كليك نيوز
إتفق ناس مجلس الوزراء مع وزارة المالية على أن يدفعوا مبالغ مليارية تحت اسم دعم سكن وده طبعا خاص بموظفي الهيئات الحكومية والشركات .
يلا تعالو شوفو مثلا السادة المدراء بتاعين المؤسسات دي بدفعوا ليهم خمسة مليار شهري دي علاوة بس ماشاء الله وكمان الجماعة الفوق منهم ناس الوكلاء والوزراء ديك ما كتبوا ليهم رقم شكلوا مافي سطور بي تشيلوا .
ناس الدرجة الأولى والثانية والتالتة ديل أدوهم تلاتة مليار علاوة . ومن الرابعة حتى السابعة اتنين مليار وأقل من الثامنة مليار ونص والعامل البسيط مليار واحد دي علاوة سكن بتاعة العامل الوجع ال…. تزيد فوق مرتب الأستاذ الجامعي بي مراحل . ما حسدناهم لكن ناس بورتسودان الجايين الخرطوم ديل ما ياهم زاتم الكانو بي يهبرو هناك.
وراجعين كمان هابرين والله حكاية عجيبة منشار ياناس انتو .
ناس المالية ديل عندهم محن بي يعرفوا ليها براهم
( منصور الممكون ) .
