كلمناكم كتير .. لكن الميتة ما بتسمع الصيحة

الخرطوم  : ون كليك نيوز

الميتة ما بتسمع الصيحة ..

لم يكن ضربا للرمل ولا قراءة للكف ..

حدثناكم عن حمى الضنك حتى قبل ظهورها في الولاية عديتو كلامنا هضربة و تهويل و ما اشتغلتوا بيهو ..

ظهرت حمى الضنك في مناطق محدودة كلمناكم و قلنا ليكم ما ح تفضل حبيسة فيها ولا ح تقيف عليها طنشتو كلامنا ..

قلنا ليكم نضفوا مواعين الموية و أكرشوهن بي ليفة قبل ما البعوض الفي البراميل و ازيار السبيل يطير سخرتو من كلامنا و ما عبرتونا..  أها عاد خموا و صروا حمى الضنك كل يوم داخلة ليها حلة جديدة و الحلة الما ظهر فيها ماشي عليها ..

والدائرة الضيقة الكان ممكن تحاصروها فيها وسعت شديد .. دحين واصلوا طناشكم خلو الضنك يصيب سيد النصيب فينا و ياخد قصير الاجل مننا و يتلملم يفوت عشان يجينا السنة الجاية او البعدها..

إلا أن يتغمدنا الله برحمة من عنده .

( بالبلدي الفصيح  – دكتور بلة تاج السر) .