حظر النت خلال الامتحان وحكاية الشعيرية

الخرطوم  : ون كليك نيوز

تقول الحكاية

إن أحد ظرفاء الفنانين مشى يقيم ليهو حفلة في واحدة من القرى جابوا ليهو العشاء شعيرية معمولة بطريقة رديئة فعلق قائلا..

تستاهلي يا الشعيرية إن شاء الله المرة الجاية يلايقوك بي ويكة .. الجابك هنا شنو..

المهم  :

في حال إنك سامع بالكسل في التفكير و ما لاقي ليهو مثال..

خد عندك فكرة قطع الإنترنت ثلاث ساعات كل يوم لمنع الغش في امتحانات الشهادة السودانية..

البحث عن الحلول الساهلة دا مشهاد العاجزين و أصحاب الفواخير المليانة ودك..

منظراتية الحكومة الإلكترونية و حوسبة المعاملات الحكومية ..

وحاة الله خاتية التكنلوجيا الجات البلد دي ..

الله ينجح الممتحنين ..

(بالبلدي الفصيح  – الدكتور بلة تاج السر) .