ون كليك نيوز : متابعات
أهلنا بي يقولوا السكات علامة الرضا .. لكن نحن والله ساكتين فوق الأعوج والحاصل ده ما بي يرضي عدو ولاصديق . دحين ياناس الكهرباء أدونا النجيضة أنتو قصدكم شنو ؟ ودايرين مننا شنو ؟ .
قبل ما ترجعوا الكهرباء لي ناس الخرتوم قلتو مشكلة الشمالية بسيطة.. أها عاد وكت المشكلة البسيطة دي غلبكم تحلوها أبقوا مارقين ساكت .. نحن برانا بي نتصرف إن شاء الله نجيب خبرا أجانب..
شدرنا يبس وحاة الله والحر داير يكتل الناس والعجايز والنسوان والطفلان حالتم تحنن الكافر . هسي دي حالة عاجباكم يعني ولا كيف ؟؟
يمين الله نقوم علي قومتنا نترس ليكم البلد دي ما نخلي فيها فرقة دحين أرعوا بي قيدكم.
والغريبة كمان خشمكم عندكم التقول عليكم بكم .
نحن حذرناكم يا رجعوا الكهرباء يا أختونا ..
عيب الشوم عليكم ..
( لسان حال سكان الشمالية ) .
