الخرطوم : ون كليك نيوز
دا سوق امدرمان بعد أول اختبار للأمطار . المحلية في الشهر من كل دكان بتشيل 55 الف نفايات غير التصاديق طبعا .
طيب حاليا دي أول مطرة في 2026، والمحلية كالعادة جاهزة للجبايات وشايلة هم القروش أكتر من هم الخدمات
طبعا نظافة مافي تصريف للموية مافي والخيران ذاتا مقفولة ومليانة وساخة والنتيجة الشوارع بقت عبارة عن برك ووساخة .. والغريبة وقت القروش والجبايات تلقى الدفار والعساكر والخراطيش والسلاح قدامك .
وقت الحوجة الحقيقية ليهم عشان تحس بطعم القروش البتدفع فيها ليهم مقابل الخدمات وبطنك ممكن تبرد شوية بتلقا العكس وبجيبو ليكم طمام بطن .
والسؤال هنا وين بتمشي قروشنا البندفعا ليكم؟؟؟
كالعادة وقت الخدمات تختفي المحلية وما بتلقى زول .ياخ المواطن ما طالب المستحيل داير بس يعرف القروش البتتشال منو دي بتعملوا بيها شنو ؟؟
والتصريحات من المحلية كالعادة جاهزين..و مع انو المطر اتأخر جدا ويعتبر ماكان في خريف بس المطر بجي ويكشف كذبة .وكل عام نحنا كمحلية جاهزين للخريف .
