ون كليك نيوز : متابعات
الناس الزعلانة من مرتب محافظة بنك السودان المركزي وشايلين حالا اليوم كلو .. إنتو ما عارفين إنو بنك السودان مأجر مبنيين في كرري الثورة الحارة التاسعة واحد للشغل وواحد للسكن والاتنين بي 25 ألف دولار في الشهر يعني 300 ألف دولار في السنة وبالحساب السوداني المبلغ بقرب من 2 ترليون جنيه.
طبعا ده غير المولدات والجاز وأدوات التشغيل .
طيب المبلغ ده خلال سنتين من تحرير الخرطوم ما كان ممكن يكون كفيل بصيانة بنك السودان القديم بدل الإيجار ده؟ ومشينا وجينا لي كلام الفريق إبراهيم جابر لما قال إنو في وزارات ومؤسسات حكومية مؤجرة بالدولار !
السؤال البسيط وين المراجعة والمحاسبة؟المال العام حق الشعب السوداني وما مفروض يكون سايب كده دي ما مشكلة أرقام وبس دي مشكلة إدارة وشفافية ومسؤولية .
بعدين ياجماعة الخير خليكم ناس نصيحة ! يعني زول مؤجر بيتو بي 12.500 دولار ( في الشهر ). ماليهو حق يقول بل بس .. والله يقولا ويؤجر ليهو ساند سيستم كمان !!
والله المستعان .
