الخرطوم : ون كليك نيوز
لا فرق كبير (عندي) إذا كان هذا المبنى مسجد او مدرسة او غيرها من المؤسسات العامة او حتى الخاصة ..
حتى الأسباب و الدواعي شنو ما فرقت خلاف بين طوائف او غيره برضو ما مهم شديد ..
ما يزعجني في الأمر كله حاجتين او تلاتة
اولا أنه حدث في نواحي ارض اهلنا المحس و السكوت الذين لا يميلون للعنف وهم أبعد ما يكونون عن هذا النوع من حسم الخلافات
حدهم معاك لو إختلفت معاهم إنو الواحد يقول ليك يخرب بيتك أو يصرف ليك بركاوي..
الحاجة التانية و أنا بشاهد في المقطع التقطت أذني أكثر من مرة أصوات تكبير وسط الهرجلة و المفارقة زول بكسر في بيت الله و يمجد في الله شوية حاجة غريبة
الحاجة التالتة انا بعاين في الناس البكسروا ديل (غض النظر عن سحنتهم) لاحظت إنهم شباب وفيهم ناس أصغر من شباب ذاته و ديل ما مفروض يكون عندهم تعصب لعقيدة او مذهب إلا إذا كانوا مغرر بهم او مغيبي العقل
غايتو الجاتنا تختانا .
( بالبلدي الفصيح – دكتور بلة تاج السر ) .
