الدكتور بلة تاج السر يكتب : حكايةمن جامعاتنا :
طبعا أساتذة الجامعات ناس شاطرين أكاديميا سواء الفاهمين منهم أو الحافظين المقررات لكن مع شطارتهم دي مرة مرة بلاقيك واحد أو واحدة من المعولقين صحيح ما كتار لكن موجودين في أغلب جامعتنا العريقة و غير العريقة (ما وريتوني عكس العراقة شنو) أي بس زي دكتور فلان أو دكتورة فلانة..
يلا العولاق دا قطع شك ما في واحد فيهم اكتسبه بعد ما بقى أستاذ جامعي ولا حتى بعد اتخرج من الجامعة ..
الواحد فيهم بكون عنده مظاهر عولاق مبكرة مافي زول إنتبه ليها أو مافي زول ركز معاها لأن الجميع حوله كانوا مركزين مع درجاته العالية وإنه مقفل الطبلون في كل المقررات تقريبا ودا الشرط الاساسي الذي نعتمده عشان نرشحه عشان يبقى معيد في الكلية اها بعد يتدرج شوية بنكتشف إنه المعدل التراكمي للدرجات الأكاديمية ما كل حاجة
وحكاية اليوم من التاريخ اصل نحن ماضينا في كل حاجة احسن من حاضرنا والله يستر على المستقبل
مجلس الكلية في الجامعة العريقة فعلا إنعقد لمناقشة و إجازة نتيجة الخريجين ولما كان الخريج (س) متخرج بمعدل 4 out of 4 طبيعي أن تتم التوصية بتعيين مساعد تدريس
المفاجأة أن رئيس القسم كان عنده رأي مخالف بأن س لا يصلح ليكون استاذ جامعي و برر ذلك بأن الخريج مشيته شتراء(بيكشت) و بيمضع الطعام ويصدر صوت مقزز ولما تسأله بجاوبك بإصدار صوت زي صوت الضب (بكتبوها كيف)
بعض أعضاء المجلس اعتبروا كلام رئيس القسم نكتة ضحكوا عليها وبعضهم اعتبرها معاكسة و حسادة و اتفقوا على تمرير التوصية غير أن رئيس القسم أصر على تدوين وجهة نظره في سجل محاضر اجتماعات الكلية
بعد سنتين و نصف س كان قد حضر الماجستير و أصبح محاضر لكن تم فصله بموجب مجلس محاسبة لسوء السلوك
قال أحدهم متذكرين المرحوم أستاذ فلان قال شنو و أصر على كتابة وجهة نظره في المحضر ..
