الخرطوم : ون كليك نيوز
كتب دكتور بلة تاج السر تحت عنوان ( الحرب لا تقوم بين عاقلين ) .
قيل لشيخ العرب : نراك تفلح دائما في حل أشد الخصومات و اكثرها تعقيدا
اهي فلاحة منك ام سر وضعه الله فيك ؟
تبسم وقال ابدا والله
بس وصية من جدي قال لي لو لقيت إثنين متخاصمين اعصر على العاقل و الواعي فيهم خليهو يتنازل ..
قلت له
أها وكان الاتنين لقيتهم ما واعين ولا عاقلين اسوي شنو ؟
قال لي يا تبعد منهم او تعصر على جيبك او ترفع عصاتك تهرشن
فكرت شوية وقلت انا جدي دا الا أكمل ليهو فهمو
قلت ليهو يا جدي
أها كان لقيت المتخاصمين الاتنين عاقلين و واعيين
هوزز رأسه و قال لي يا ولدي لو الاتنين عاقلين و اعيين مشكلتهم ما بيصلوك بيها
براهم بحلوها
المهم : سيبك من رباعية و سداسية الداير يحل مشكلة السودان دا إلا يعصر لينا على جيبوا
او يرفع عصايه يهرشنا
الما عندو لينا جيب ولا بقدر يهرشنا اخير ليهو يختانا عشان ما يوسخ جلابيته بالدم .
