المنوعات والثقافة

سامي دفع الله يكتب ( المثل وخرابو )

مثل مرات بشتغل ومرات ما بشنغل

ون كليك نيوز  : الخرطوم

يشرف موقع ون كليك نيوز أن يقدم لجمهوره الكاتب الساخر /سامي دفع الله

الي أولى الحلقات:

 

المثل: صاحب الكورة عمرو ماوقف قوون

المعني: صاحب المال والنفوذ هو الذي يفرض القوانيين

خراب المثل: مرات صاحب الكورة بقيف قوون بقول ليك مابحب اجري وري حاجه بنتظرها لحدي ماتجيني براها

 

المثل: الحبل مابتشد من طرف واحد

المعني: اي حكايه فيها طرفين

اي واحد بمسك طرف من الحبل

خراب المثل: اربط الحبل في شجرة وشدو بي راحتك

 

المثل: حتي انت يابروتس

دا مثل وين دا ماسمعنا بيهو

المعني: الطعنه القاتله ممكن تجيك من اقرب الناس ليك

خراب المثل: حسي الدكتور دا بطعنك حقنه ومرات بفتح بطنك عديل بمشرط لاقاتله ولاشي هي صاح حااارة لكن بنستحملها

 

المثل: الماعون اللين غسيلو هين

المعني: لاتترك عمل اليوم الي الغد

خراب المثل: اشتري غساله صحون وغسل الاسبوع الجاي

عندك كاش ومرطب ماتعمل زاتو

 

المثل: الشعره المابتعرف الواجب بتقوم في الرقبه وتخلي الحاجب

المعني: الحاجه المابتشتغل وظيفتها بالشكل الصاح حتسبب المشاكل

خراب المثل: غالبك تجيب موس وتشيلها برا؟

 

المثل: البعمل فيها اطرش ما تكورك ليهو في اضانو

المعني: الشخص الذي يتظاهر بأنه لا يسمع أو لا يفهم لا فائدة من محاولة إفهامه

خراب المثل: حسي الحكومات عامله فيها طرشه نخليها بي راحتها يعني؟

 

المثل: حظ الكيشه يقع من السماء يلقي الارض مافيشه

المعني وخراب المثل: طيب دي حاجه كويسه شديد دايرو يدق الدلجه دي.

مقالات ذات صلة

زر الذهاب إلى الأعلى