الخرطوم : ون كليك نيوز
سامي دفع الله يكتب ( أسئلة بلا إجابات صحيحة )
ضع دائرة حول الإجابة الصحيحة
– ماهو مصدر دخل حكومة الامل؟
١- بيع الذهب
٢- القروض
٣- جيب المواطن
٤- ببيعوا دوم
– من انواع الشفشفه؟
١- ارتكاز دعامة
٢- ناس المحلية
٣- شركات الطيران
٤- كل ماذكر صحيح
– متين بتقول كلمه يالطيف؟
١- صوفي في ذكر
٢- لمن تسمع زول اتعوق
٣- كلما الجنيه السوداني يقع
٤- مريخابي كلما يسمع الهلال سجل لاعب
– بعد عمل مطار الخرطوم باذن الله داير شنو من السودان؟
١- دكوة وصعود وفسيخ
٢- العودة لتعمير البلد
٣- مارااجع التذاكر غاليه
٤- حاجي وارجع تاني
– ماهو حل مشكلة تراجع الجنيه السوداني؟
١- القبض علي تجار العملة
٢- تغير العملة
٣- الإنتاج
٤- فكي كااارب
– من اسباب مشاكل البلد؟
١- القحاته والكيزان والاحزاب السياسيه
٢- الدعامة
٣- عمايل يدينا
٤- كل ماذكر صحيح
– كثرة هجرة شيوخ الدجل والضلال الي مصر؟
١- السوق هناك حاار
٢- الحاله الاقتصادية السودانية
٣- مافضل زول يكتبوا هنا
٤- فتح فروع خارجيه جديدة
– لي الواحد مبرمج انو النسوان مابعرفوا يسوقوا ؟
١- الحوادث كتيرة
٢- المرايات للمكياج
٣- ماملزمة تدوس فرامل
٤- كلما ذكر خطأ
– اشياء تستحق القتال من اجلها؟
١- الوطن
٢- العشاء
٣- الشاحن
٤- كلما ذكر صحيح
– من اسباب تقدم المنتخب في الشان؟
١- التخطيط السليم
٢- مدرب المنتخب واللاعبين
٣- دعوات السودانين
٤- عدم وجود ابوعشرين
– اغنية احمد الجقر الجديدة
١- تغير الكلمات
٢- تغير اللحن
٣- تغير الفنان
٤- كلما ذكر صحيح
يارب في اغسطس دا غطسنا في القروش غطيس
