ون كليك نيوز : الخرطوم
الدكتور علي أبو وضاح يكتب في دبوس الجمعة :
قالوا زمان السفير السوداني في القاهرة مع اسرته وعندهم طباخ مصري اسمه موسى….
وقالوا زوجة السفير جنها طلبات وأوامر ، وبتقول له عم موسى وهي اكبر منه لكن متشببة ، وعمك موسى الطباخ زهجان منها وقافله معاهو منها واصلة الحد….
يوم قالت له: ياعم موسى النهار دا المغرب اعمل لنا كيكة ومعجنات لانه في نسوان جايات يشربن معانا شاي المغرب…..
فعلا المغرب النسوان وصلن….
عمك موسى شغال ومجتهد في الكيكة والمعجنات ، جاتو بنت السفير قالت له:
أمي قالت ليك ياعم موسى اللبن بتاع الشاي قننو……
عمك موسى مافهم قننو يعني شنو
قال للبنت : أقننو ؟
أقننو ازاي يعني….
انتو عاوزين تقننوني والا قصدكو ايه؟…..
قووووم اييييه…..
في تصريح له لقناة العربية ، وزير الداخلية السوداني قال: لم يتم رصد أي انتشار للسلاح غير المقنن كما يشاع……
غير مقنن ازاي يا سعادة الوزير….
انتو عاوزين تقنونا والا قصدكو ايه؟
هي البلد فيها شنو غير السلاح غير المقنن؟
📌ابووضاح📌
