الخرطوم : ون كليك نيوز
أحمد الدرديري أصغر وزير في الحكومة الحالية وزير التحول الرقمي والاتصالات قليل الظهور الإعلامي وما بنسمع بيهو كتير لكن في فترة قصيرة اشتغل على ملفات مهمة وحقق خطوات تستحق الإشارة
من أبرزها تدشين الهوية الرقمية سوداباس وتطوير منصة بلدنا للمعاملات التجارية وتسجيل الشركات والاستيراد إلكترونياً وتأسيس هيئات الأمن السيبراني والذكاء الاصطناعي والتحول الرقمي وإجازة قوانينها والعمل على اعتماد المفتاح السيادي للجواز الإلكتروني دولياً بجانب رقمنة الموانئ واستعادة شبكات الاتصالات المتضررة وخطة توصيل الإنترنت والجيل الرابع لـ200 قرية ومنطقة ريفية الزول .
البشتغل ما محتاج كل يوم يطلع في الإعلام يقول أنا عملت وأنا أنجزت الإنجاز بتتكلم عنو النتائج .
في المقابل واحد كل شوية يطلع لينا بتوقعات لصعود الدولار ومتمسك بالمالية ومع انو فشل في ادارة الوزارة وهو ويعلم ونحن نعلم انه ليس المكان المناسب لدكتور جبريل ولكن الصمت ابلغ .
اما العجوز الكبيير لافي من طرمبة لي طرمبة ومن سوبر ماركة لي سوبر ماركة عشان ينفي مرة أزمة وقود وتاني أزمة مواد غذائية ويطمن المواطن على قوت يومه .
البلد محتاجة شغل حقيقي ونتائج تنعكس على حياة الناس مامحتاجة جولات وتصريحات ووعود .. الشباب الشباب ما مجرد شعار ولا كلمة بنرددها الشباب لازم يكونوا في مواقع المسؤولية ونديهم الفرصة يشتغلوا ويثبتوا قدراتهم وزي ما بقول صديقي رامي : ( العجايز نكبة السودان ) .
( مصعب الجاك ) .
