واحدة في الإتنين.. يا الحكومة يا النفايات !

الخرطوم  : ون كليك نيوز

يقاس مدى تمدن و تحضر الإنسان بالمسافة بينه و بين نفاياته..

نقل و ترحيل النفايات و التخلص السليم منها دا واجب مفروض تقوم بيهو الحكومة (بشكل او بآخر) ..

لكن يا حبيبي أو ياحبيبتي كدي غمضوا عيونكم و فتحوهن سمح شوفوا لينا حكومة البخت دي قايمة بياتو واجب من واجباتها؟ ..

طيب ما دام الحكومة ما قايمة بباقي واجباتها نحن منتظرنها تقوم بالواجب دا بالذات ليه ؟ ..

هي نفاياتنا نحن ..ومفروض إنو ح نتضرر منها نحن ..

والحكومة ما فارق معاها .. هي الحكومة ذاتا استغفر الله .

يبقى يا إما نشيل الحكومة و نجيب لينا حكومة شايفة واجباتها وتشيل النفايات ..أو ناخدها من قصيرها و ننظم نفسنا و نشيل نفاياتنا ونتخلص منها برانا ..

أصلا أكوام النفايات و الحكومة الاتنين انتجناهم نحن ..

(بالبلدي الفصيح  – دكتور بلة تاج السر) .