الخرطوم : ون كليك نيوز
البلد دي فيها حاجات لا تخضع لمنطق الأشياء .. أقول لكم كيف:
كانت المواتر الحايمة في الشوارع نصها سايقنها ناس تسعة طويلة.. والحيكومة عشان توقف النهب بتاع العصابات دي طوالي طلعت قرار ( منع استخدام الدراجات النارية ) وكان قرار ظابط جدا ارتحنا بعدو من قصة الختف والجرايم الكلكم شفتوها ..
أها فجأة كدة الحيكومة لغت القرار بتاعا ورجعنا تاني للمربع الأول ..
هسي عليكم الله الزول العمل القرار دا عارف التلفون بقى بي كم ؟
حاجة تانية برضها خارج ( منطق الأشياء) … الدولار ليهو كم يوم نازل لكن فيكم زول لاحظ نزول في الأسعار بتاعت حاجات الاكل والشراب وهي زادت طبعا عشان الدولار زاد .. طيب لما الدولار نقص نزلوها لينا.. ولا أرفعونا ليها ننزلا برانا …
حاجة تحير ..
بلد تقول مسكونة … والله المستعان .
