ون كليك نيوز : وكالات
سمعت بي زول بشرب الجبنة وينوم طوالي عادي ؟
في ناس عندهم إنزيمات في الكبد نشيطة جداً
بسبب جين اسمو CYP1A2 الناس ديل أول ما يشربوا الجبنة الكبد طوالي بتكسر الكافيين وتطلعو من الدم بسرعة جدا عشان كدا ما بيلحق يأثر على مخه ولا بيطير منو النوم.
برضو في مادة في جسمنا اسمها الأدينوزين دي هي المسؤولة عن شعورنا بالنعاس والمفروض الكافيين بيقفل المستقبلات بتاعتها.
في ناس الكافيين ما بيقدر يزاحم الأدينوزين في الأبواب دي. أو يكون عندهم عدد المستقبلات دي كتير جداً لدرجة إنو فنجان واحد ما بيأثر فيهم. وكمان لو جسمك مرهق وتعبان شديد مادة الأدينوزين بتكون واصلة السقف وفي الحالة دي مهما شربت من جبنة قوة التعب بتغلب مفعول الكافيين والجسم بيجبرك على النوم كنوع من الحماية.
(رمضان مبارك عليكم) .
