الخرطوم : ون كليك نيوز
على خلفية أزمة الكهرباء المتجددة في السودان وما تشهده البلاد من قطوعات متكررة تزامنا مع ارتفاع كبير في درجات الحرارة خاصة في ولاية البحر الأحمر أطلق الفنان الكوميدي محمد شيلا صرخة إنابة عن مواطني مدينة بورتسودان حكى فيها حجم المعاناة التي يكابدها السكان هناك .
ودعا شيلا وزير الطاقة إلى زيارة مدينة بورتسودان بالمواصلات العامة والتجول في السوق لبضع ساعات مطلقا عليه اسم وزير الشاحن ( عشان الكهرباء بتجي ساعتين بس لزوم شحن الهاتف وتاني تقطع ) .
وقال : ( لو كنت في مكان الوزير لقدمت استقالتي وحكمت على نفسي بالبقاء في السودان لمدة عشر سنوات : عشان لو مشيت دولة تانية الكهرباء عندهم ح تقطع )
وزاد على جميع الوزراء أصحاب الستين والسبعين عاما ترك الفرصة للشباب فهم الأقدر والأجدر بحل المشكلات .
أما عن موضوع( البلاك آوت ) أنا ماعندي معاهو شغلة لأني دافع مقدم وماعندي كهرباء .
