ون كليك نيوز : متابعات
في واحد كده قيادي في حركة العدل والمساواة .. غايتو كتفو مليان بالنجوم وصل لي رتبة فريق عديل كدا اسمو ألماظ قال ( لافض فوه ) إنو المصلين قربوا يطلعو مظاهرات تأييدا لسياسات جبرين إبراهيم الرشيدة .
لأنو البلد ما فيها نفاخ النار .. لا صادر لا وارد ولا إنتاج وبعد ده كلو عمل من الفسيخ شربات .
والآن نحن في أحسن حال .
أنا غايتو خشمي عندي ! ليه لأنو هو ذاتو قال نحن جلدنا تخين.. لكن نحن خايفين ما نلقى جلد زاتو لا تخين ولا رهيف !!
عشان كده الليلة من الصباح جغمت لي كوز موية من الزير لقيت الموية طاعمة .. أتاريها دي شربات جبرين ؟؟
غايتو البلد دي الدخلت فيها ما أظن تمرق بالساهل .
