الخرطوم : ون كليك نيوز
المدرسة دي اسمها مدرسة سعيدبن عامر في إحدى ضواحي الدمازين والمنطقة اسمها ( ريح بالك) تابعة لمحافظة باو في إقليم النيل الأزرق فيها 465 من تلميذ لي تلميذة جلسوا لأداء امتحانات الفترة النهائية للمرحلة الابتدائية .
نفسي أعرف اسم سعيد أطلقو علي المدرسة دي كيف وهي ما فيها نفاخ النار . اللهم إلا يكون سعيد بالأجواء الخريفية.. أها وبعد ينتهي الخريف يسموها شنو ؟
ثم ثانيا منطقة ريح بالك دي واضح إنهم مريحين بالهم خالص من التعقيدات بتاعت الكنب والكراسي والطباشير والسبورة وما شابه ذلك .
يعني بعدين قريب خمسمائة طالب وطالبة وهم في الظروف دي أكيد لما ينجحوا ما في زول بي يسمع بيهم زاتو .. خليك من يدوهم هدايا عينية ونقدية .
وهذه والله ترجمة عملية لمعنى الجلوس للامتحان .
اللهم اكتب لهم النجاح والتوفيق .
