ون كليك نيوز : متابعات
أمبارح واحد حكى لينا قصة فيها شي من المأساة .الزول دا جوازو كان اصدار القاهرة وهو دخل الاراضي المصرية بطريقة رسمية . وقرر انه يرجع السودان بس للأسف من دون ما زول يوريه التفاصيل . وفعلا وصل السودان من غير ختم الخروج من المعبر المصري .
عدم معرفته بالتفاصيل منعته يدخل مصر تاني وللأسف سنينو الجامعية ضاعت عليه لانو في سيستم الجوازات هو لسه داخل الاراضي المصرية
عشان كدا اذا انت دخلت مصر بطريقة رسميه وعايز ترجع السودان لازم تتاكد من انو جوازك فيه ختمين : ختم الخروج من المعبر المصري وختم الدخول من المعبر السوداني .
وبكدا تكون ضمنت انك بتقدر تدخل مصر تاني بطريقة صحيحة .
الخلاصة ما ترجع بالعودة الطوعية اذا انت داخل بموافقة او تأشيرة . أو اذا انت عندك اقامة على الكرت إلا بعد تتأكد من ختم الجواز في المعبر .
