الخرطوم : ون كليك نيوز
أنا زي قرايتك ما قريت ..
لكن عويناتي بيفرزن الحقيقة وسط أرقام الكضب ..
منو القال الأرقام لا تكذب ؟
الأرقام مافي أكذب منها لما يستخدمها زول مستهبل
ومافي استهبال أكتر من إنو وزارة المالية عاوزة تقنعنا بأن ميزانيتها حققت نموءا بلغ نحو 38 % و احدثت إستقرارا إقتصاديا ..
يا سيدي الوزير و أركان خمك المحترمين
امسكوا ليكم ورقة و قلم و شوفوا ميزانيتكم (حوالي 600 مليار) في بداية السنة ساعة وضعتو تقديرات الميزانية كانت بتعادل كم دولار .. بتساوي سعر كم طن بنزين .. بتجيب ليها كم طن قمح و قارنها بالأسعار في نهاية السنة واحسب لينا نسبة الضمور و الانكماش قدر شنو ؟ نمو بتاع فنيلة منو يا سعادتك !!
استقرار إقتصادي دا حصل وين و الجنيه السوداني أصبح كلا على مولاه أنى يوجهه لا يأت بخير ..
نحن حاجة مغتسة حجرنا غير كضبكم دا مافي ..
وحاة خوتك الما فيها فايدة كان إشتغلت رزق اليوم باليوم و فكيتنا من كضب الميزانية دا ما ح يكون في فرق كتير ويمكن الحظ يخدمنا و يخدمك و يصادف يحصل نمو حقيقي و استقرار بالجد .
جربوها أصلها كدة كدة بايظة .
( بالبلدي الفصيح – دكتور بلة تاج السر) .
