الخرطوم : ون كليك نيوز
في زمن بقى فيه الجنيه ما عنده قيمة، وبعض الناس أول ما يسمعوا “الدولار زاد” طوالي بزيدوا السعر حتى لو بضاعتهم القديمة، أها بعد نماذج مشرفة في الأمانة ظهر لينا نموذج يستحق الوقفة والشكر.
عمنا صالح صاحب فرن مربع 17 في مدينة بربر بولاية نهر النيل .
كل الأفران في المدينة بقت تبيع 3 عيشات بألف جنيه بعد زيادة الدولار والأسعار. إلا العم صالح… لسه متمسك بالأمانة يبيع 4 عيشات بألف جنيه زي ما هو.
قالها بالواضح: ما بزيد السعر إلا أخلص الدقيق الجبتو قبل الزيادة، وبعد أجيب دقيق جديد بسعر جديد وقتها يحلها الله .
دا اسمه شنو؟ دا اسمه خوف من الله، ومراعاة لحال المواطن، وجبر خاطر لناس كتار ما قادرين على الزيادة.
شكرا العم صالح صاحب فرن مربع 17 بربر .
